MÜSABİQƏYƏ YEKUN VURULMUŞDUR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, “Azərbaycan” İstilik Elektrik Stansiyasının (İES) istifadəyə verilməsi və ümummilli lider Heydər Əliyevin müəssisəyə gəlişinin 25 illiyi münasibətilə İES rəhbərliyinin və həmkarlar ittifaqı komitəsinin təşkilatçılığı ilə Mingəçevirin orta məktəb şagirdləri arasında keçirilən “Azərbaycan” İES ulu öndərimiz Heydər Əliyev zəkasının təntənəsidir” mövzusunda inşa və rəsm müsabiqəsinə yekun vurulmuşdur.
Bu münasibətlə keçirilən tədbirin iştirakçıları əvvəlcə stansiyanı gəzmiş, müəssisənin iş prinsipi ilə maraqlanmış və burada fəaliyyət göstərən Heydər Əliyev muzeyində olmuşlar.
Sonra müsabiqə qaliblərinə mükafatlar təqdim olunmuşdur.
Bölmənin digər xəbərləri
