Müvəqqəti işlər vəkili: Biz Sudan ədəbiyyatının Azərbaycanda tanıdılmasında maraqlıyıq
Bakı, 13 fevral, AZƏRTAC
Sudanın Azərbaycandakı müvəqqəti işlər vəkili Mustafa Abdel Halim bu günlərdə Dövlət Tərcümə Mərkəzində olub.
Mərkəzdən AZƏRTAC-a verilən məlumata görə, qurumun Beynəlxalq Əlaqələr İdarəsinin rəisi Püstə Axundovanın iştirak etdiyi görüşdə Sudan ədəbiyyatının Azərbaycan dilinə tərcümə və nəşri, ölkələrarası ədəbi əlaqələrin qurulması və inkişafı istiqamətində görüləcək işlər barədə fikir mübadiləsi aparılıb.
Görüşdə Sudanın tanınmış nasir və şairlərinin, o cümlədən görkəmli Sudan yazıçısı Əl-Tayyib Salihin ədəbi irsinin Azərbaycan oxucusuna çatdırılmasının əhəmiyyəti vurğulanıb, bu istiqamətdə həyata keçiriləcək əməkdaşlıq layihələrinin perspektivləri müzakirə edilib.
Bölmənin digər xəbərləri
