NARKOMANİYAYA QARŞI MÜBARİZƏYƏ HƏSR OLUNMUŞ SEMİNAR-MÜŞAVİRƏ KEÇİRİLMİŞDİR
Lənkəran Dövlət Universitetində “Narkomaniya sosial bəladır” mövzusunda seminar-müşavirə keçirilmişdir. AZƏRTAC-ın müxbiri bildirir ki, universitetin tərbiyə işləri üzrə prorektoru Sevda Ağayeva narkomaniyanın cəmiyyətimizdə sosial bəlaya çevrilməsindən, onun ağır nəticələrindən, narkotiklərin qanunsuz dövriyyəsinə qarşı birgə mübarizə aparılmasının vacibliyindən söz açmışdır.
Lənkəran şəhər narkoloji dispanserin baş həkimi, şəhər polis şöbəsinin narkotiklərlə mübarizə qrupunun nümayəndəsi, Astara gömrükxanasının əməkdaşı və başqaları müzakirə olunan məsələ ilə əlaqədar çıxış etmişlər.
Rayonun hüquq-mühafizə orqanlarının əməkdaşları tələbələrin suallarını cavablandırmışlar.
Bölmənin digər xəbərləri
