Narkotik vasitə ilə tutulmuş şəxsin yaşadığı evdə ov tüfəngi və patron aşkarlanıb
Bakı, 30 aprel, AZƏRTAC
Daxili işlər orqanlarının əməkdaşları narkotik vasitələrin qanunsuz dövriyyəsinə qarşı mübarizə tədbirlərini davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, nazirliyin Baş Narkotiklərlə Mübarizə İdarəsinin cənub bölgəsində regional şöbəsi əməkdaşları tərəfindən narkotik vasitə ilə tutulmuş Ə.Axundovun yaşadığı evə baxış zamanı oradan müvafiq sənədləri olmayan “B” modelli yivsiz ov tüfəngi və 19 ədəd patron aşkarlanaraq götürülüb.
Faktla bağlı araşdırmalar davam etdirilir.
Bölmənin digər xəbərləri
