NARKOTİK XASSƏLİ BİTKİLƏR MƏHV EDİLMİŞDİR
Ağsu Rayon İcra Hakimiyyəti yanında narkotik vasitələrin, psixotrop maddələrin və prekursorların məhv edilməsi üzrə komissiya tərəfindən İsmayılova Mükamət Nizam qızından müsadirə olunmuş 401 qram narkotik xassəli bitki yandırılaraq məhv edilmişdir. Komissiyanın sədri, rayon icra hakimiyyəti hüquq şöbəsinin müdiri Tofiq Kərimov AZƏRTAC-ın müxbirinə bildirmişdir ki, bölgədə narkotik vasitələrin dövriyyəsi, saxlanması və istifadəsinə, habelə bu cür xassəli bitkilərin becərilməsinə qarşı ciddi və mütəmadi mübarizə aparılır. Müsadirə edilən narkotik vasitələr komissiya tərəfindən müntəzəm surətdə məhv edilir.
Bölmənin digər xəbərləri
