NAXÇIVANDA “MOLLA NƏSRƏDDİN-100” SƏRGİSİ AÇILMIŞDIR

25.04.2006 [14:13]
Çap et
A⁺ A^-

AZƏRTAC xəbər verir ki, Cəlil Məmmədquluzadə adına Naxçıvan Dövlət Musiqili Dram Teatrının foyesində “Molla Nəsrəddin” jurnalının 100 illik yubileyi ilə əlaqədar muxtar respublikanın mədəniyyət müəssisələrinin “Molla Nəsrəddin-100” adlı sərgisi açılmışdır.

AMEA-nın Naxçıvan bölməsinin sədri, akademik İsmayıl Hacıyev Prezident İlham Əliyevin “Molla Nəsrəddin” jurnalının 100 illik yubileyi haqqında” Sərəncamı və bu münasibətlə Naxçıvanda keçirilən tədbirlər barədə məlumat vermişdir.

Naxçıvan Dövlət Universitetinin (NDU) rektoru, akademik İsa Həbibbəyli “Molla Nəsrəddin: tarix və müasirlik” mövzusunda məruzəsində jurnalın nəşri tarixindən, Mirzə Cəlilin rəhbərliyi ilə mollanəsrəddinçi ədib və rəssamların Azərbaycan ictimai mühitində yaratdığı demokratik düşüncə intibahından danışmışdır.

Sonra NDU-nun tələbə teatr studiyasının səhnələşdirdiyi “Anamın kitabı” əsəri göstərilmişdir.