Nazir Anar Əliyev Qusarda vətəndaş müraciətlərini dinləyəcək
Bakı, 15 sentyabr, AZƏRTAC
Əmək və əhalinin sosial müdafiəsi naziri Anar Əliyev sentyabrın 25-də Qusar rayonunda Qusar və Quba rayonlarının sakinlərini qəbul edəcək.
Əmək və Əhalinin Sosial Müdafiəsi Nazirliyinin mətbuat xidmətindən AZƏRTAC-a verilən məlumata görə, qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaşlar sentyabrın 15-17-də Nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya “142” Çağrı mərkəzi ilə əlaqə saxlayaraq qəbula yazıla bilərlər.
Vətəndaşlar qəbula yazılmış şəxslərin əvvəlcədən tərtib edilmiş siyahısı əsasında qəbul ediləcəklər.
Bölmənin digər xəbərləri
