İQTİSADİYYAT
Nazir müavini: Qiymətləndirmənin sivil bazasının formalaşdırılmasına nail olunub
![Nazir müavini: Qiymətləndirmənin sivil bazasının formalaşdırılmasına nail olunub](/files/2024/2/1200x630/17172395636219935992_1200x630.jpg)
Bakı, 1 iyun, AZƏRTAC
700-dən çox qiymətləndirmə şirkətini və 1000-dən çox qiymətləndiricini özündə birləşdirən bu platforma qardaş xalqlar və qonşular arasında qarşılıqlı faydalı əməkdaşlığa mühüm töhfələr verir.
AZƏRTAC xəbər verir ki, bunu Türk Dövlətləri Qiymətləndiricilər Birlikləri Şurasının toplantısında və III Beynəlxalq Qiymətləndiricilər Forumunda maliyyə nazirinin müavini Azər Bayramov deyib.
O qeyd edib ki, Azərbaycan Prezidenti İlham Əliyev türk dövlətləri arasında bütün sahələrdə, o cümlədən iqtisadi sahədə əlaqələrin inkişaf etdiyini daim vurğulayıb.
A.Bayramov diqqətə çatdırıb ki, bu gün türk dövlətləri arasında iqtisadi əlaqələr yüksələn xətt üzrə inkişaf edir.
“Türk dövlətləri çərçivəsində birgə fəaliyyət modeli xüsusi qeyd olunmalıdır. Bu forum buna nümunədir. Türk Dövlətləri Qiymətləndiricilər Birlikləri Şurasına daxil olan ölkələr arasında iqtisadi münasibətlərin yüksək səviyyədə olması sevindirici haldır. Son illər qiymətləndirmə ilə bağlı qəbul edilmiş qanunlar və onların uğurlara tətbiq edilməsi nəticəsində qiymətləndirmə sahəsi keyfiyyətcə yeni mərhələyə qədəm qoyub, qiymətləndirmənin sivil bazasının formalaşdırılmasına nail olunub”, - deyə nazir müavini əlavə edib.