Nazir Rəşad Nəbiyev Lənkəranda vətəndaşlarla görüşəcək
Bakı, 3 oktyabr, AZƏRTAC
Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda 2022-ci ilin oktyabr ayında vətəndaşları qəbulu cədvəlinə əsasən, rəqəmsal inkişaf və nəqliyyat naziri Rəşad Nəbiyev Astara, Lerik, Lənkəran, Masallı, Yardımlı, Cəlilabad, Biləsuvar və Cəbrayıl rayonlarının sakinlərini qəbul edəcək.
Rəqəmsal İnkişaf və Nəqliyyat Nazirliyindən AZƏRTAC-a bildirilib ki, vətəndaşların qəbulu oktyabrın 10-da saat 10:00-da Lənkəran şəhərində yerləşən Heydər Əliyev Mərkəzində (ünvan: Lənkəran şəhəri, Zərifə Əliyeva küçəsi 16) keçiriləcək.
Nazir adıçəkilən rayonlarda göstərilən nəqliyyat, telekommunikasiya, o cümlədən internet, televiziya və radio yayımı, eləcə də poçt xidmətləri sahəsində əhalini maraqlandıran məsələlərlə bağlı vətəndaşları dinləyəcək.
Qəbula yazılmaq üçün oktyabrın 9-na qədər Rəqəmsal İnkişaf və Nəqliyyat Nazirliyinin Çağrı mərkəzi (1655), elektron poçtu ([email protected]) və (012) 598-58-58 (daxili 222 və 290) nömrəli telefon vasitəsilə müraciət etmək olar.
Bölmənin digər xəbərləri
