NAZİRLƏR KABİNETİNDƏ GÖRÜŞ
Hökumət başçısı ölkədə səhiyyə sahəsində aparılan islahatlara DST tərəfindən göstərilən dəstəyi yüksək qiymətləndirdi və ümidvar olduğunu bildirdi ki, bu əməkdaşlıq gələcəkdə də genişlənəcəkdir. Baş nazir dedi ki, Azərbaycan səhiyyəsi qarşısında böyük vəzifələr durur və bu sahədə aparılan islahatlar prosesi heç də sadə deyildir. Son illər DST və Dünya Bankı ilə birlikdə Azərbaycanda həyata keçirilən layihələr sosial sahədəki problemlərin həllinə və əhaliyə göstərilən tibbi xidmətin keyfiyyətinin yaxşılaşmasına yönəldilmişdir. DST başçısının Azərbaycana səfəri gələcək əməkdaşlıq üçün istiqamətləri müəyyən etməyə imkan verəcəkdir.
Li Yonq Vuka ölkəmizin sosial-iqtisadi sahədə uğurları, Ermənistan-Azərbaycan, Dağlıq Qarabağ münaqişəsi barədə də məlumat verildi.
Cənab Li Yonq Vuk dünya birliyi üçün aktual olan “quş qripi” probleminə toxunaraq, Azərbaycan Səhiyyə Nazirliyi ilə Dünya Səhiyyə Təşkilatı arasında müsbət əməkdaşlığı vurğuladı, bu xəstəliyin profilaktikası və müalicəsi üçün Azərbaycanda görülən tədbirləri yüksək qiymətləndirdi.
Bölmənin digər xəbərləri
