NEFT AKADEMİYASINDA I KURS TƏLƏBƏLƏRİ İLƏ GÖRÜŞ KEÇİRİLMİŞDİR
Akademiyadan AZƏRTAC-ın müxbirinə bildirmişlər ki, rektor Siyavuş Qarayev görüşü açaraq xalqımızın böyük oğlu Prezident Heydər Əliyevin Azərbaycan elm və təhsilinin inkişafına göstərdiyi qayğı və diqqətdən, onun neft strategiyasının uğurlarından danışmışdır.
Natiq bu il akademiyaya qəbul olunmuş tələbələrdən 34-nün test imtahanında 600-dən çox bal topladığını vurğulamışdır.
XXI əsrin yüksək intellekt əsri olduğunu diqqətə çatdıran rektor tələbə adını qazanmış gəncləri təbrik etmiş, onlara uğurlar arzulamışdır.
Sonra test imtahanında yüksək bal toplamış I kurs tələbələrinə qiymət kitabçaları və tələbə biletləri təqdim edilmişdir.
Görüşdə çıxış edən I kurs tələbələri onlara göstərilən etimadı doğruldacaqlarına söz vermişlər.
Bölmənin digər xəbərləri
