“NEFTÇİ” BEYNƏLXALQ TURNİRƏ HAZIRLAŞIR
16 komandanın 4 yarımqrupda çıxış edəcəyi bu mötəbər yarışda ölkəmizin idman şərəfini “Neftçi” komandası qoruyacaqdır. Komandamızın ilk oyunu yanvarın 14-də Tacikistan çempionu “Vəxş” klubu ilə olacaqdır. “Neftçi” yanvarın 15-də Latviyanın “Metallurq”, 17-də isə Qazaxıstanın “Aktobe” komandalarını sınağa çəkəcəkdir. Hər qrupda ilk iki yeri tutan komandalar yanvarın 19-da keçiriləcək dörddəbir finala vəsiqə qazanacaqlar. Yanvarın 21-də yarımfinal oyunları, 23-də isə final görüşü olacaqdır.
Xatırladaq ki, ötənilki turnirin qalibi Moskvanın “Lokomotiv” klubu olmuşdu. “Neftçi” komandası isə ikinci yer tutmuşdu.
Bu yarışa və Azərbaycan çempionatının II dövrəsinin oyunlarına hazırlıq məqsədi ilə komanda hazırda öz idman bazasında və “Şəfa” stadionunda təlim-məşq toplanışındadır. Baş məşqçi Ağasəlim Mircavadov sınaqdan keçirmək üçün iki ukraynalı, bir serbiyalı, bir çernoqoriyalı və bir bolqarıstanlı legioner oyunçunu da məşq proseslərinə cəlb etmişdir.
Bölmənin digər xəbərləri
