“NEFTÇİ” “KARVAN” ÜZƏRİNDƏ QƏLƏBƏ QAZANARAQ 4-CÜ PİLLƏYƏ YÜKSƏLDİ
Bakı, 1 noyabr (AZƏRTAC). Noyabrın 1-də son üç oyunla futbol üzrə Azərbaycan Unibank Premyer Liqasında 9-cu tura yekun vurulmuşdur.
Bu turda “Neftçi” Tofiq Bəhramov adına Respublika stadionunda “Karvan” üzərində 1:0 hesabı ilə qələbə çalmışdır. Bu qələbə sayəsində flaqman 15 xalla turnir cədvəlində 4-cü pilləyə yüksəlmişdir.
Digər oyunlarda isə “Muğan” evdə “Turan”a 2:3, “Standard-Sumqayıt” isə doğma meydanda “Olimpik- Şüvəlan”a 0:1 hesabı ilə məğlub olmuşdur.
Xatırladaq ki, bu turda keçirilmiş digər görüşlər belə nəticələnmişdir: “Qarabağ” - “Xəzər- Lənkəran”- 1:0, “Qəbələ”-“Bakı” - 0:2, “Simurq” - “İnter” - 1:1.
Hazırda “İnter” və “Qarabağ” 20 xalla turnir cədvəlində birinci - ikinci yerləri bölüşürlər. “Simurq” 17 xalla üçüncü pillədədir.
Bölmənin digər xəbərləri
