“Nigar Rəfibəyli-110” - kitab sərgisi
Bakı, 23 iyun, AZƏRTAC
Bakı Dövlət Universitetinin (BDU) Elmi Kitabxanası Azərbaycan ədəbiyyatının görkəmli nümayəndəsi, tərcüməçi, Əməkdar mədəniyyət işçisi, Xalq şairi Nigar Rəfibəylinin anadan olmasının 110 illiyinə həsr edilən kitab sərgisi təşkil edib.
BDU-dan AZƏRTAC-a bildirilib ki, sərgidə şairənin Azərbaycan və xarici dillərdə nəşr edilmiş kitabları, tərcümə və tərtib etdiyi, redaktoru olduğu kitablar, sözlərinə yazılmış mahnıların yer aldığı nəşrlər, haqqında yazılan kitablar nümayiş olunur.
Nümayiş olunan kitablar sırasında onun “Ya lyublyu tebya, çelovek” (1958), “Dənizin səsi gəlir” (1964), “Ana səsi” (1969) və s. kimi şerlər kitabları da yer alıb.
Şairənin doğum gününə həsr olunan sərgi bu həftənin sonuna qədər ziyarətçilərin üzünə açıq olacaq.
Bölmənin digər xəbərləri
