Növbəti “Açıq mikrofon” aksiyası Yardımlıda təşkil olunacaq
Bakı, 10 avqust, AZƏRTAC
Avqustun 11-də Yardımlı rayonunun Dəlləkli kəndində “Azəriqaz” İB-nin səyyar qəbul otağı təşkil olunacaq.
İB-dən AZƏRTAC-a bildirilib ki, “Açıq mikrofon” aksiyasında iştirak edən sakinlər qaz təchizatı ilə bağlı istənilən problem və təkliflərini rahat şəkildə səsləndirə bilərlər. Bu rahatlığı təmin etmək üçün bəzi məsələlər nəzərə alınıb. Belə ki, sakinlərin sərbəst, ehtiyat etmədən problemlərini, şikayətlərini dilə gətirməsi üçün aksiyaya aidiyyəti üzrə olan və ya olmayan hansısa səlahiyyətli şəxslərin iştirakı nəzərdə tutulmayıb. Aksiya saat 11:00-dan 14:00-a qədər davam edəcək.
Bölmənin digər xəbərləri
