Növbəti hərracda 14 dövlət əmlakı özəlləşdirilib
Bakı, 5 oktyabr, AZƏRTAC
Əmlak Məsələləri Dövlət Xidməti tərəfindən növbəti hərrac keçirilib.
Xidmətdən AZƏRTAC-a bildirilib ki, hərracda 1 obyekt, 13 nəqliyyat vasitəsi özəlləşdirilib.
Özəlləşdirilən obyekt Ağsu rayonunda yerləşən qeyri-yaşayış binasıdır.
Nəqliyyat vasitələrinin hərracına maraq böyük olub və bəzi avtomobillər rəqabətli şəkildə satılıb. Satılan avtomobillər əsasən Rusiya istehsalıdır və buraxılış tarixi 1995-2013-cü illər arasında dəyişir.
Hərracda özəlləşdirilən dövlət əmlaklarının siyahısı ilə buradan tanış olmaq mümkündür: (https://clck.ru/sKmjK)
Məlumat üçün bildiririk ki, bu ay üzrə növbəti hərraclar oktyabrın 11-i, 18-i və 25-də keçiriləcək.
Bölmənin digər xəbərləri
