Növbəti TKT imtahanı keçirilib
Bakı, 27 oktyabr, AZƏRTAC
Dövlət İmtahan Mərkəzi (DİM) oktyabrın 25-də TKT (Teaching Knowledge Test) imtahanını keçirib.
DİM-dən AZƏRTAC-a bildirilib ki, imtahanda 105 nəfər iştirak edib.
Xatırladaq ki, Kembric İngilis dili üzrə tədris kvalifikasiyalarından biri TKT (Teaching Knowledge Test) ingilis dili müəllimlərinin xarici dil bacarıqlarını beynəlxalq səviyyədə təsdiq edən kvalifikasiyadır və mərkəzdə TKT 1,2,3, YL, CLIL modulları üzrə imtahanlar təşkil edilir.
Qeyd edək ki, DİM Kembric Universiteti Nəşriyyat və Qiymətləndirmə qurumunun rəsmi test mərkəzlərindən biri olaraq Kembric ingilis dili üzrə qiymətləndirmə (Cambridge English Qualifications), Kembric ingilis dili üzrə tədris (Cambridge English Teaching) imtahanlarını təklif edir. Dövlət İmtahan Mərkəzi tələb əsasında Kembric ingilis dili üzrə səviyyə testi (Cambridge English Placement Test - CEPT) də təşkil edir.
Əlavə məlumat üçün [email protected] ünvanına yazmaq olar.
Bölmənin digər xəbərləri
