OĞUZ-QƏBƏLƏ-BAKI SU KƏMƏRİ VASİTƏSİLƏ PAYTAXTA GƏTİRİLƏCƏK SUYUN TƏRKİBİNDƏ ZƏRƏRLİ MADDƏLƏR YOXDUR
Ekologiya və Təbii Sərvətlər Nazirliyi Oğuz-Qəbələ-Bakı su kəməri vasitəsilə paytaxta gətiriləcək suyun tərkibində pestisidlərin olması barədə bəzi kütləvi informasiya vasitələrinin yaydığı məlumatı təkzib etmişdir. Nazirliyin mətbuat xidmətindən AZƏRTAC-ın müxbirinə bildirmişlər ki, nazirliyin əməkdaşları yeraltı suların keyfiyyətini müəyyən etmək məqsədi ilə Oğuz və Qəbələ rayonlarında su nümunələri götürmüşlər.
Həmin nümunələr “Azərneftekologiyaservis” idarəsinə, respublika Gigiyena və Epidemiologiya Mərkəzinin sanitariya-gigiyena laboratoriyasına, AMEA-nın ətraf mühitdə radiasiyaya nəzarət laboratoriyasına təqdim edilmiş və kimyəvi, bakterioloji, radioloji və sanitariya-epidemioloji göstəricilərin müəyyən edilməsi üçün tədqiq olunmuşdur.
Analizlər göstərmişdir suyun tərkibində insan orqanizmi üçün zərərli maddələr yoxdur.
Bölmənin digər xəbərləri
