“OĞUZ” TƏZƏ MUSİQİ ALƏTİDİR
Zaqatala rayonunun Aşağıtala kənd sakini, istedadlı tarzən Zahid Mustafayev hazırladığı yeni musiqi alətinə “Oğuz” adı vermişdir. Bu musiqi alətini Azərbaycan Dövlət Mədəniyyət və İncəsənət Universitetinin, respublika Musiqi Mədəniyyəti muzeyinin mütəxəssisləri yüksək qiymətləndirmiş, ekspert komissiyaları ona müsbət rəyini vermiş, müəlliflik hüququ təsdiq edilmişdir. Tut ağacından hazırlanmış “Oğuz”un 4 cüt simi, 28 pərdəsi, 2,5 oktava səs diapozonu vardır. AZƏRTAC-ın müxbirinə demişlər ki, çanaq hissəsinə yerləşdirilmiş akustika sistemi “Oğuz”a tütək, ney, tar, saz, orqan musiqi alətlərinin səslərini çıxarmağa imkan verir.
Tarzənin bu ixtirası geniş maraq doğurmuş, o xeyli sifariş almışdır. Yəqin ki, bu orijinal musiqi aləti Mədəniyyət Nazirliyinin də diqqətindən kənarda qalmayacaqdır.
Bölmənin digər xəbərləri
