“ÖLKƏM” MUSİQİ LAYİHƏSİNİN TƏQDİMATI KEÇİRİLMİŞDİIR
AZƏRTAC xəbər verir ki, aprelin 29-da Azərbaycan Dövlət Akademik Opera və Balet Teatrında Mədəniyyət və Turizm Nazirliyinin “İRƏLİ” Ümumrespublika Gənclər Hərəkatının və İlyas Əfəndiyev Fondunun birgə təşkil etdikləri Azərbaycan Demokratik Cümhuriyyətinin yaranmasının 90 illiyinə həsr olunmuş “Ölkəm” musiqi layihəsinin təqdimatı keçirilmişdir.
“Ölkəm” layihəsi Azərbaycanın əməkdar incəsənət xadimi, bəstəkar Cəmil Əmirov və əməkdar artist Tünzalə Ağayevanın birgə musiqi yaradıcılığı sayəsində hazırlanmışdır. Bu layihə Üzeyir Hacıbəyov, Fikrət Əmirov, Rafiq Babayev kimi görkəmli bəstəkarların əsərlərindən və xalq mahnılarından ibarətdir.
Layihənin məqsədi klassik caz ənənələrini və milli musiqimizi ölkə daxilində və Azərbaycan hüdudlarından kənarda innovativ formada təbliğ etməkdir.
Öz milliliyi ilə yanaşı, klassik caz ənənələrinin və vətənpərvərlik hisslərinin sintezini özündə əks etdirən “Ölkəm” layihəsi tamaşaçı və dinləyicilər tərəfindən rəğbətlə qarşılanmışdır.
Bölmənin digər xəbərləri
