OMBUDSMANLAR İSTANBULDA TOPLAŞACAQLAR
Ombudsman Aparatından AZƏRTAC-a bildirmişlər ki, tədbirdə təşkilatın üzvü olan 12 dövlətin - Azərbaycan, Türkiyə, Bolqarıstan, Yunanıstan, Rumıniya, Serbiya və Çernoqoriya, Albaniya, Rusiya Federasiyası, Ukrayna, Moldova, Gürcüstan və Ermənistanın nümayəndələri iştirak edəcəklər.
Konfransda ombudsman təsisatlarının insan hüquqları sahəsində fəaliyyəti, əldə etdikləri nailiyyətlər, qarşılaşdıqları çətinlik və problemlər, ombudsmanların demokratik proseslərin gücləndirilməsində, hüquqi dövlət və vətəndaş cəmiyyəti quruculuğunda rolu və digər məsələlər müzakirə olunacaqdır.
Azərbaycanın insan hüquqları üzrə müvəkkili Elmira Süleymanova tədbirdə çıxış edəcəkdir.
Bölmənin digər xəbərləri
