OPEK NEFTİNİN QİYMƏTİ QALXMIŞDIR
OPEK neftinin bir barrelinin qiyməti yenidən 27 ABŞ dollarını ötmüşdür. OPEK katibliyinin iyulun 10-da yayılan məlumatında bildirilir ki, bir gün əvvəlki satışın nəticələrinə görə, OPEK-in yeddi növ neftlə dolu ”zənbili” 26,83 dollardan 27,43 dollara qədər bahalaşmışdır. Həftənin əvvəlində isə qiymət 27 dollardan aşağı düşmüşdü. Ekspertlərin rəyinə görə, dünyanın neft bazarında qiymətlərin mütəhərrik olması Kaliforniya və Texasın neft emalı zavodlarında yaranan problemlərlə birbaşa bağlıdır. ABŞ-dakı neft ehtiyatlarının azalması və bu ölkədə benzinə olan təlabatın ödənilməməsi də dünya neft bazarına öz təsirini göstərəcəkdir.
Bölmənin digər xəbərləri
