Ötən ay Azərbaycanda hasil edilən qazın 54 faizi ixrac edilib
Bakı, 13 fevral, AZƏRTAC
Yanvarda qaz ixracı ötən ilin müvafiq dövrü ilə müqayisədə təxminən 4,5 faiz artıb.
AZƏRTAC xəbər verir ki, bu barədə energetika naziri Pərviz Şahbazov məlumat paylaşıb.
O bildirib ki, Avropaya 1,1 milyard kubmetr, Türkiyəyə 0,8 milyard kubmetr, Gürcüstana isə 0,4 milyard kubmetr qaz ixrac olunub.
“Bu dövrdə TANAP-la Türkiyəyə 0,4 milyard kubmetr qaz nəql edilib. Bu ilin yanvar ayında operativ məlumatlara əsasən, neft-kondensat hasilatı 2,5 milyon ton, ixraca nəql edilən həcmlər isə 2,1 milyon ton olub. Yanvarda 30 milyon kubmetr artımla hasil edilmiş 4,3 milyard kubmetr qazın 2,3 milyard kubmetri ixrac olunub”, - deyə nazir qeyd edib.
Bölmənin digər xəbərləri
