OTÜSTÜ XOKKEY ÜZRƏ QADINLAR ARASINDA ÖLKƏ ÇEMPİONATI KEÇİRİLİR
Azərbaycan Otüstü Xokkey Federasiyasının mətbuat xidmətindən AZƏRTAC-a bildirmişlər ki, qadınlar arasında ölkə çempionatına start verilmişdir. Yarışda 5 komanda birincilik uğrunda mübarizə aparır.
İki dairəvi sistem üzrə keçirilən turnirdə birinci turun oyunları artıq başa çatmışdır. İkinci turda isə paytaxtın “Bakı” klubu, “Nizami” komandasını 7:1, “Xəzər” (Lənkəran) isə “Şahdağ”ı (Qusar) 1:0 hesabı ilə məğlub etmişdir.
Qeyd edək ki, yarışın qrup cədvəlinə 12 xalla “Atasport-2” komandası başçılıq edir.
Bölmənin digər xəbərləri
