“ÖYÜDLƏR” KİTABININ TƏQDİMATI OLMUŞDUR
Muzeyin təsisçisi Zərifə Salahova müəllifi tədbir iştirakçılarına təqdim edərək bildirmişdir ki, Sabir Əfəndiyev 1981-ci ildən Azərbaycan Milli Elmlər Akademiyasının Şəki filialında çalışır, “Kitab” Cəmiyyəti rəyasət heyətinin üzvüdür. Kitabda müəllifin gənclərə öyüdləri verilmişdir.
AMEA-nın İnsan Hüquqları İnstitutunun şöbə müdiri Mürsəl Cavad, şair İlyas Tapdıq, Firəngiz xanım Ulutürk və başqaları S.Əfəndiyevin şairlik istedadından, kitab həvəskarı olduğundan danışmış, şəxsi kitabxanasındakı on mindən çox kitabı şəhər kitabxanasına bağışladığını diqqətə çatdırmışlar.
S.Əfəndiyev bildirmişdir ki, onun daha bir kitabı - “Şəki ensiklopediyası” çapa hazırdır. Kitabda Şəkinin tarixi və tanınmış adamları haqqında materiallar yer almışdır.
Müəllif kitabın çapına və təqdimat mərasiminin keçirilməsinə göstərdiyi diqqət və qayğıya görə Zərifə Salahovaya minnətdarlığını bildirmiş, 1866-cı ildə buraxılmış tibbə dair miniatür kitabı muzeyə bağışlamışdır.
Bölmənin digər xəbərləri
