Özbəkistanda koronavirusa yoluxanların sayı 40 minə çatıb
Daşkənd, 26 avqust, АZƏRTAC
Son sutkada Özbəkistanda COVID-19 virusuna 284 nəfər yoluxub və bu virusa yoluxanların ümumi sayı 39 min 790 nəfərə çatıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son sutkada koronavirusdan 7 nəfər dünyasını dəyişib və ölənlərin sayı 289 nəfər olub.
Məlumatda qeyd edilir ki, xəstəxanalarda 3 min 518 koronaviruslu xəstə var, onların 294-nün vəziyyəti ağır, 110-nun isə çox ağır qiymətləndirilir.
Bildirilir ki, pandemiya dövründə 3 min 518 nəfər sağalıb.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
