Özbəkistanda 7 minə yaxın Əfqanıstan qaçqını vardır və onlardan 3,5 min nəfər BMT-nin Qaçqınlarla İş üzrə Ali Komissarlığının Özbəkistandakı nümayəndəliyində qeydiyyatdan keçmişdir. Daşkənddə keçirilən mətbuat konfransında nümayəndəliyin başçısı Əbdül Kərim Gül bildirmişdir ki, 2700 nəfər əfqan qaçqını rəsmi status almışdır. O, qeyd etmişdir ki, statusun müəyyənləşdirilməsi prosesi heç də asan deyildir. Bu işdə son dərəcə ehtiyatlı və diqqətli olmaq və çalışmaq lazımdır ki, qaçqın siyahılarına yalnız buna ehtiyacı olanların adları salınsın. Terrorçularla əlaqəsi olan şəxslərin bu siyahılara düşməsinə yol verilməməlidir. Əfqanıstanda vəziyyət getdikcə yaxşılaşır. Biz Əfqanıstan vətəndaşlarının yenidən vətənə dönməsinə kömək göstəririk. Keçən il Özbəkistandan Əfqanıstana 151 nəfər qayıtmışdır və bu proses davam edir.