Pandemiya məsafədən işləyən İT mütəxəssislərinə olan tələbatın kəskin şəkildə artmasına səbəb olub
Budapeşt, 10 avqust, AZƏRTAC
Pandemiya zamanı ev ofisində iş rejiminin populyarlığı, bu fəaliyyət növünün ənənəvi xarakteri haqqında bir çox təsəvvürləri yox edir.
AZƏRTAC xəbər verir ki, son tədqiqatlar bunun bir çox tanınmış şirkətlərin mütəxəssisin xaricə fiziki köçürülməsi ilə müşayiət olunan muzdlu işçilərin işə götürülməsinin ixtisarına səbəb olduğunu göstərib. Məsələn, daimi məsafədən iş rejimi imkanını elan edən “Microsoft”, “Facebook” və “Twitter” kimi şirkətlər “distant” iş qüvvəsi uğrunda rəqabəti tarixi maksimuma çatdırdılar.
Macarıstan da bu baxımdan istisna deyil. Bu proseslər nəticəsində bu ölkədə İT mütəxəssislərinə tələbat da kəskin şəkildə artıb. index.hu nəşrində qeyd edilir ki, bu gün ən çox tələb olunan və geniş yayılmış proqramlaşdırma dilindən istifadə edə biləcək baş mütəxəssisin əmək haqqına olan tələbat, koronavirusdan bir il əvvəl olduğundan daha yüksəkdir.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
