PAYIZ-QIŞ MÖVSÜMÜNÜ HAZIRLIQLAQARŞILAYIRLAR
Rayon təhsil şöbəsindən AZƏRTAC-ın müxbirinə bildirmişlər ki, Təhsil Nazirlyinin müvafiq əmrinə əsasən hazırlanmış tədbirlər planına uyğun olaraq, qəza vəziyyətinə düşmüş 4 orta məktəb- dövlət vəsaiti hesabına tikilmiş 480 yerlik Gəgəli kənd orta, Heydər Əliyev Fondunun təşəbbüsü ilə inşa edilmiş və hər biri 240 yerlik olan Padar və Ərəbmehdibəy kənd orta, Dövlət Neft Fondunun vəsaiti ilə ərsəyə gəlmiş 380 yerlik Növcü kənd orta məktəbləri istifadəyə verilmişdir. Onlarda təhsilin müasir standartlar səviyyəsində qurulması üçün hər cür şərait yaradılmışdır.
Rayonun 4 saylı orta, Ləngəbiz, Daşdəmirbəyli kənd orta, Padar kənd əsas və Hacıqədirli kənd ibtidai məktəbləri əsaslı və cari təmir olunmuşdur.
Bütün məktəblər kifayət qədər odun sobası ilə təmin edilmişdir. İcbari təhsil fondu hesabına yoxsul və kimsəsiz şagirdlərə paltar və digər ləvazimatlar alınıb paylanmışdır. Bu kateqoriyadan olan uşaqların qış geyimləri ilə təminatına üstünlük verilmişdir.
Rayonda ümumtəhsil məktəblərinin payız-qış mövsümündə heç bir problemi olamayacaqdır. Bu sahədə yerli icra nümayəndəlikləri, bələdiyyələr, habelə imkanlı şəxslər lazımi köməklik göstərirlər.
Bölmənin digər xəbərləri
