“PAYIZIN YANINDA GÖZLƏRSƏN MƏNİ” KİTABININ TƏQDİMATI OLMUŞDUR
Birliyin katibi, xalq şairi Fikrət Qoca tədbiri açaraq F.Mehdiyevanın kitabı haqqında, ümumilikdə onun yaradıcılığı barədə fikirlərini bölüşmüşdür. Bildirmişdir ki, yeni nəşrini oxucuların ixtiyarına verən Fərqanə xanımın çağdaş poeziyamızda öz səsi və sözü vardır.
Şairlər Qəşəm Nəcəfzadə, Fikrət Sadıq, Kür-Xəzər Xeyriyyə Cəmiyyətinin prezidenti Akif Kərimov və başqaları oxucularla üçüncü görüşü olan bu kitabında müəllifin daxili dünyasını, vətəni, torpağı, yaxından bələd olduğu el-obasını tərənnüm edən şeirlərin toplandığını diqqətə çatdırmışlar. “Anam şəhərə gedir” adlı şeirini misal gətirən natiqlər vurğulamışlar ki, şair bu əsərində kəndin əhval-ruhiyyəsini, bütün məziyyətlərini səmimi şəkildə qələmə almış, həyat haqqında düşüncələrini aydın dillə nəzmə çəkmişdir.
F.Mehdiyeva tədbirin təşkilatçısılarına və iştirakçılarına minnətdarlığını bildirmişdir.
Bölmənin digər xəbərləri
