PENTAQON İRANA HÜCUMA HAZIRLAŞMASINA ŞƏRH VERMƏKDƏN BOYUN QAÇIRMIŞDIR
Pentaqonun mətbuat katibi Brayan Uitman demişdir: “Biz ABŞ-ın Müdafiə Nazirliyiyik və ən müxtəlif planlar hazırlayırıq”. Onun sözlərinə görə, Birləşmiş Ştatlar diplomatik yolla gedir və İranın nüvə proqramının həyata keçirilməsi ilə əlaqədar əndişələrinə dünya birliyinin dəstəyi ilə son qoymağa çalışır.
Uitmanın bəyanatı tanınmış hərbi şərhçi Uilyam Arkinin “Vaşinqton post” qəzetində Pentaqonun “Titan” əməliyyatının təfərrüatını açıqlamasına cavab olaraq səslənmişdir. Əməliyyat dəniz piyadalarının İran ərazisinə quru yolla müdaxiləsini, onun havadan müdafiəsinə və ehtimal olunan kütləvi qırğın silahına zərbə endirməyi nəzərdə tutur.
Həmin məqalə, “Nyu Yorker” jurnalının 9 aprel nömrəsindəki digər məqalədən sonra verilmişdir. Bu məqalədə İranın torpağın dərin qatlarında gizlədilmiş hərbi obyektlərinə ABŞ-ın mümkün nüvə zərbəsi ətraflı təsvir olunmuşdur.
Bölmənin digər xəbərləri
