CƏMİYYƏT
Piyadaların xəsarət alması ilə nəticələnən yol-nəqliyyat hadisələrini törətmiş sürücülər axtarılır
Bakı, 14 noyabr (AZƏRTAC). Nərimanov rayonunun Koroğlu Rəhimov küçəsində naməlum avtomobillə Quba rayon sakini Sonaxanım Axundova vurulmuşdur.
Piyadaya xəstəxanada ilkin tibbi yardım göstərildikdən sonra evə buraxılmışdır.
Sabunçu rayonunun Ramana qəsəbəsində naməlum avtomobillə qəsəbə sakini Babaəli Ələsgərov vurulmuşdur. Hadisə nəticəsində xəsarət almış piyada xəstəxanaya yerləşdirilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, faktlarla bağlı cinayət işi açılmış, rayon polis idarələri tərəfindən sürücülərin yaxalanması istiqamətində əməliyyat-axtarış tədbirləri aparılır.