Polimer Materialları İnstitutu əməkdaşlarının onlayn iclası keçirilib
Bakı, 1 may, AZƏRTAC
AMEA-nın Polimer Materialları İnstitutunun Polimerlərin mexaniki-kimyəvi modifikasiyası və emalı laboratoriyasının əməkdaşlarının növbəti onlayn iclası keçirilib. Bu barədə AZƏRTAC-a AMEA-dan məlumat verilib.
Bildirilib ki, iclası laboratoriyanın müdiri, professor Nəcəf Qəhrəmanov açaraq cari ilin ilk rübündə və xüsusi karantin rejimi dövründə görülən işlər barədə məlumat verib. Qeyd edib ki, 2020-ci il üçün nəzərdə tutulmuş fəaliyyət proqramına uyğun olaraq ötən müddət ərzində laboratoriya əməkdaşlarının 28 elmi əsəri, o cümlədən 16 məqalə, 8 tezis və 4 patenti çapdan çıxıb.
Sonra aparılan tədqiqat işlərinin nəticələri əsasında işıq üzü görmüş məqalə və tezislər barədə məlumat verilib. N.Qəhrəmanov elmi rəhbəri olduğu dissertantların suallarını cavablandırıb.
Onlayn iclasda qeyd olunub ki, laboratoriyanın 2014-2025-ci illər üçün elmi-texniki əməkdaşlıq haqqında bağlanmış 9 müqavilə əsasında həyata keçirdiyi tədqiqat işləri davam etdirilir.
Bölmənin digər xəbərləri
