Premyer Liqa: “Sumqayıt” “Neftçi” üzərində əzmkar qələbə qazanıb
Bakı, 11 noyabr, AZƏRTAC
Futbol Azərbaycan Premyer Liqasında XIII turun daha bir oyunu keçirilib.
AZƏRTAC xəbər verir ki, “Neftçi” öz meydanında “Sumqayıt”ı qəbul edib. “Neftçi Arena”da oynanılan qarşılaşma qonaqların əzmkar qələbəsi ilə başa çatıb - 2:1.
Hesabı 35-ci dəqiqədə “ağ-qaralar”dan Ataa Caber açıb. 56-cı dəqiqədə “gənclik şəhəri” təmsilçisi tarazlığı bərpa edib. Masaki Murata adını tabloya yazdırıb. Son nöqtəni isə 69-cu dəqiqədə fərqlənən Roi Kehat qoyub.
Bu qələbədən sonra xallarını 21-ə çatdıran “Sumqayıt” üçüncü pilləyə yüksəlib. 18 xalı olan “Neftçi” isə bir sıra geriləyərək, 6-cı yerdə qərarlaşıb.
Günün son oyununda “Sabah” səfərdə “Turan Tovuz”un qonağı olacaq.
Qeyd edək ki, XII turun açılış matçında “Kəpəz” “Dalğa Arena”da “Araz-Naxçıvan”a 1:0 hesabı ilə qalib gəlib. Tura noyabrın 12-də keçiriləcək “Zirə” - “Qəbələ” və “Qarabağ” - “Səbail” görüşləri ilə yekun vurulacaq.
Bölmənin digər xəbərləri
