QAÇAQMALÇI NÖVBƏTİ DƏFƏ YAXALANMIŞDIR
Dövlət Gömrük Komitəsinin mətbuat xidmətindən müxbirimizə demişlər ki, Azərbaycan vətəndaşı Hacıbaba Əlimərdanov icarəyə götürdüyü “MAZ” markalı avtomaşının gizli saxlanc yerində Rusiya istehsalı olan 53 milyon 20 min manat dəyərində 381 ədəd “Zenit” markalı fotoaparatı İrana keçirməyə cəhd edərkən Astara keçid məntəqəsində yaxalanmışdır. Məhkəmə törətdiyi cinayət əməlinə görə Hacıbaba Əlimərdanovu 1milyon 100 min manat cərimə etmiş, fotoaparatlar müsadirə olunaraq komitənin büdcədənkənar inkişaf fonduna təhvil verilmişdir.Qaçaqmalçı törətdiyi əməldən lazımi nəticə çıxarmamış, bir müddət sonra 275 ədəd fotoaparatı yenidən İrana keçirməyə cəhd edərkən növbəti dəfə yaxalanmışdır.
Bölmənin digər xəbərləri
