Qadın voleybolçularımız Avropa çempionatının final mərhələsində növbəti oyununu keçirib
Bakı, 27 sentyabr, AZƏRTAC
Belçika və Niderlandda qadın voleybolçular arasında Avropa çempionatının final mərhələsi davam edir.
Azərbaycan millisinin də yer aldığı “B” qrupunun oyunları Belçikanın Antverpen şəhərində təşkil edilib.
AZƏRTAC xəbər verir ki, milli komandamız qrupda növbəti görüşünü Belçika voleybolçularına qarşı keçirib.
Antpervendəki “Lotto Arena”da keçirilən ikinci oyun meydan sahibləri - Belçika millisinin 3:0 (25:17, 25:20, 27:25) hesablı qələbəsi ilə başa çatıb.
“B” qrupuna hesabında 6 xal olan Belçika başçılıq edir. Türkiyə millisi 3 xalla ikinci yerdədir. Aktivlərində xal olmayan Azərbaycan və Macarıstan yığmaları isə üçüncü, dördüncü yerləri bölüşürlər.
Baş məşqçi Faiq Qarayevin yetirmələri sentyabrın 28-də Macarıstan yığması ilə növbəti oyunda üz-üzə gələcəklər. Komandamız pley-off mərhələsinə yüksəlmək üçün Macarıstan yığmasına qalib gəlməli və qrupda üçüncü sırada qərarlaşmalıdır.
Bölmənin digər xəbərləri
