QADINLARIN SÜLh YARADILMASI PROSESİNDƏ ROLU MÜZAKİRƏ OLUNMUŞDUR
BMT-nin Qadınlar üçün İnkişaf Fondunun (YUNİFEM) “Qadınlar Cənubi Qafqazda münaqişələrin qarşısının alınması və sülh yaradılması uğrunda” regional layihəsi üzrə Füzulidə məcburi köçkün qadınlar üçün seminar-məşğələlər keçirilmişdir. YUNİFEM-in dəstəyi ilə yaradılmış məcburi köçkün qadınların milli şəbəkəsinin təklifi ilə həyata keçirilən təlimlər “Qadınların danışıqların aparılması və sülh yaradılması prosesində rolu” mövzusuna həsr olunmuşdur.
Layihənin Azərbaycan nümayəndəliyindən AZƏRTAC-a bildirmişlər ki, təlimlərdə qadınlar münaqişələrin həllində, sülhün qorunması və müdafiəsində son dərəcə mühüm rol oynamışlar. Məcburi köçkün və qaçqın qadınların münaqişələrin həll olunması və sülh yaradılması prosesinə daha fəal qatılmasının vacibliyi vurğulanmışdır.
Bölmənin digər xəbərləri
