Qanunsuz ov hallarına qarşı tədbirlər davam etdirilir
Bakı, 30 dekabr, AZƏRTAC
Polis əməkdaşları respublikanın şəhər və rayonlarında qanunsuz ovun, mülki silahın daşınması qaydalarının pozulması hallarının qarşısının alınması məqsədilə tədbirləri davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, Zərdab Rayon Polis Şöbəsi əməkdaşlarının keçirdikləri əməliyyat tədbirləri nəticəsində rayonun İsaqbağı kəndi ərazisində qanunsuz ov edən altı nəfər saxlanılıb. Onlardan müxtəlif markalı dörd ov tüfəngi götürülüb.
Bu istiqamətdə tədbirlər davam etdirilir.
Bölmənin digər xəbərləri
