“Qarabağ” – “Anderlext” oyununu avstriyalı hakimlər briqadası idarə edəcək
Bakı, 28 sentyabr, AZƏRTAC
Oktyabrın 1-də futbol üzrə Avropa Liqası yarışlarının qrup mərhələsinin ikinci turunda keçiriləcək “Qarabağ” (Ağdam) - “Anderlext” (Belçika) oyununun hakimləri müəyyənləşib.
AZƏRTAC xəbər verir ki, qarşılaşmanı Avstriyadan olan hakimlər briqadası idarə edəcək. Oyunun baş hakimi Oliver Draxta olacaq. Ona həmyerliləri Roland Brandner və Stefab Kuehr yardım edəcək. Əlavə köməkçi hakim funksiyasını isə Manuel Şuettenqruber və Dieter Mukenhammer yerinə yetirəcəklər. Dördüncü hakim isə Rolan Riedeldir.
Matçın hakim-inspektoru sloveniyalı Darko Ceferin, UEFA nümayəndəsi isə Oljas Abrayev (Qazaxıstan) olacaq.
“Qarabağ” - “Anderlext” oyunu saat 22:00-da Tofiq Bəhramov adına Respublika Stadionunda başlayacaq.
Bölmənin digər xəbərləri
