“QARABAĞ BÜLBÜLLƏRİ” 35 YAŞINI QEYD EDƏCƏKDİR
Ansambl 1971-ci ildə Ağdam rayon pioner və məktəblilər evinin müdiri Murad Rzayevin rəhbərliyi ilə yaradılmışdır.
Kollektiv yarandığı gündən başqa respublikalarda və xaricdə, o cümlədən Rusiya, Özbəkistan, Gürcüstan, Bolqarıstan, keçmiş Çexoslovakiya, İran, Türkiyə və digər ölkələrdə də uğurla çıxış etmişdir.
Ansambl 80-ə yaxın fəxri fərman və diplomlara, 40-a yaxın medala, beynəlxalq festifalların laureatı adına layiq görülmüş, həmçinin, 12 sənədli və bədii filmə çəkilmişdir.
1993-cü ildə Ağdamın işğalından sonra ansambl dağılmış, üzvləri respublikanin ayrı-ayrı bölgələrinə səpələnmişdi.
Sənət fədaisi Murad Rzayev doğma kollektivini arayıb-axtarmış, bütün bölgələrdən 200-ə yaxın üzvünü - qaçqın və köçkün olan istedadlı uşaqları öz başına toplamışdır.
Hazırda kollektivdə kiçik və böyük yaşlı ifaçılardan ibarət qruplar fəaliyyət göstərir. Ansambl 35 illik yubiley konsertinə hazırlaşır.
Bölmənin digər xəbərləri
