“Qarabağ”ın futbolçusu: Bizi “Bayer”lə maraqlı oyun gözləyir
Bakı, 8 noyabr, AZƏRTAC
“Rəqibin kimliyi haqqında çox danışmaq istəmirəm. Əsas bizim oyuna reaksiyamızdır. Bizi maraqlı oyun gözləyir”.
AZƏRTAC xəbər verir ki, bu sözləri “Qarabağ”ın futbolçusu Bəhlul Mustafazadə UEFA Avropa Liqasının qrup mərhələsində Bakıda Almaniya “Bayer”inə qarşı keçirəcəkləri IV tur oyunundan öncə mətbuat konfransında deyib.
26 yaşlı müdafiəçi xatırladıb ki, alman klubları hər zaman nizam-intizamı ilə seçilir:
“Bayer” ötən il oynadığımız “Frayburq”dan daha yaxşı komandadır. Amma kompakt oynamaqla, bu rəqiblə mübarizə aparmaq olar”.
Qeyd edək ki, noyabrın 9-da Tofiq Bəhramov adına Respublika Stadionunda keçiriləcək qarşılaşma saat 21:45-də başlayacaq.
Bölmənin digər xəbərləri
