“Qarabağ”ın futbolçusu: Cavab matçı üçün nəticəmizin daha yaxşı olmasına çalışacağıq
Bakı, 17 fevral, AZƏRTAC
Meydanda əlimizdən gələni edəcəyik ki, klubun müsbət imicini qoruyaq. Oyuna ciddi hazırlaşmışıq. Təcrübəli rəqiblə oynamaq üçün gəlmişik. Burada yaxşı oyun göstərmək istəyirik. Cavab matçı üçün nəticəmizin daha yaxşı olmasına çalışacağıq.
AZƏRTAC xəbər verir ki, bunu UEFA Konfrans Liqasının pley-off mərhələsində Fransanın “Marsel” komandasının qonağı olacaq Ağdamın “Qarabağ” klubunun futbolçusu Abdullah Zubir fevralın 16-da təşkil olunan mətbuat konfransında deyib.
Yarımmüdafiəçi bildirib: “Üç ildən sonra yenidən Fransada meydana çıxacağımdan çox məmnunam. "Marsel" xüsusi klubdur. Ümid edirəm ki, hər şey yaxşı olacaq. Komandamız daha çox hücum futboluna üstünlük verir. Rəqiblərin oyununu daim məşqçilər heyəti ilə müzakirə edirik”.
Qeyd edək ki, "Velodrom" stadionunda oynanılacaq "Marsel" - "Qarabağ" qarşılaşması fevralın bu gün Bakı vaxtı ilə saat 00:00-da başlayacaq.
Bölmənin digər xəbərləri
