QARADAĞ RAYON GƏNCLƏRİNİN TOPLANTISI KEÇİRİLMİŞDİR
AZƏRTAC xəbər verir ki, sentyabrın 12-də Qaradağ Rayon İcra Hakimiyyətində Azərbaycan gənclərinin V forumu ərəfəsində rayon gənclərinin toplantısı keçirilmişdir.
Tədbirdə respublika gənclərinin IV Forumundan keçən dövrdə görülən işlərə dair hesabat dinlənilmiş, mövcud problemlər və qarşıda duran vəzifələr müzakirə edilmişdir.
Qaradağ Rayon İcra Hakimiyyətinin başçısı Hüseyn İsrafilov, Bakı Şəhər Gənclər və İdman Baş İdarəsinin rəisi Raqif Abbasov, çıxış edən digər natiqlər toplantının əhəmiyyətindən danışmış, ölkəmizdə gənclər siyasətinin uğurla davam etdirildiyini vurğulamışlar.
Sonda gənclərin V Forumuna nümayəndələr seçilmişdir.
Bölmənin digər xəbərləri
