Qarsda məhv edilən yeddi terrorçudan dördü axtarışda olub
Ankara, 1 may, AZƏRTAC
Türkiyə Daxili İşlər Nazirliyinin Qars vilayətinin Kağızman rayonunda başladığı antiterror əməliyyatı uğurla başa çatıb.
AZƏRTAC xəbər verir ki, bu barədə Daxili İşlər Nazirliyinin rəsmi saytında məlumat yayılıb. Bildirilir ki, iki gün davam edən antiterror əməliyyatında PKK-nın yeddi üzvü zərərsizləşdirilib. Bununla da terror təşkilatının “Çemçe” qrupu tamamilə məhv edilib. Zərəsizləşdirilən terrorçulardan dördü nazirlik tərəfindən axtarışda olub. Məhv edilən terrorçular silahlı olublar.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
