Qax Dövlət Kukla Teatrında yeni tamaşa hazırlanır
Qax, 6 yanvar, Mustafa Dadaşov, AZƏRTAC
Qax Dövlət Kukla Teatrında Elçin Məhərrəmin “Günəşin dostları” əsəri əsasında səhnələşdirilən eyniadlı tamaşa üzərində məşqlər başa çatmaq üzrədir.
AZƏRTAC-ın bölgə müxbiri xəbər verir ki, teatrın baş rejissoru, Əməkdar artist Yusif Abdurahmanovun quruluş verdiyi tamaşada rolları Afət Yaqubova (nənə), Elnurə Əliyeva (tuk-tuk quşu), Cəbrayıl Quluşov (eynəkli), Elnarə Razıyeva (ana), Aynurə Abbasova (tənbəl), Məlahət Məmmədova (balaca şahzadə), İlmar Abdullayev (şüşəgöz), Azər Kərimov (səkkizayaq) və Fidan Mahmudzadə (arı) ifa edirlər. Tamaşanın rəssamı Fidan Səbirli, musiqi tərtibatçısı Nicat Fətəliyevdir.
Tamaşa yanvarın sonunda uşaqlara təqdim olunacaq.
Bölmənin digər xəbərləri
