QAX KUKLA TEATRINDA YENİ TAMAŞANIN MƏŞQLƏRİ GEDİR

08.01.2006 [20:55]
Çap et
A⁺ A^-

AZƏRTAC-ın müxbiri xəbər verir ki, Qax Dövlət Kukla Teatrında Abdulla Şaiqin uşaqlar üçün yazdığı “Tülkü həccə gedir” nağıl-tamaşanın məşqlərinə başlanmışdır. Tamaşanın quruluşçu rejissoru və musiqi tərtibatçısı Yusif Əbdürəhmanov, tərtibatçı rəssamı Əmrah Məmmədovdur. Əsas rolları Nigar Babayeva, Vüsal Əzizli, Araz Mehrablı və Azər Kərimov ifa edirlər.

Bundan əlavə, teatrın yaradıçı kollektivi Əzizə Əhmədovanın «Necə boz ayı, aldı ev payı» əsərinin yeni səhnə variantı üzərində də məşqləri davam etdirirlər. Tamaşanın quruluşçu rejissoru respublikamızın əməkdar mədəniyyət işçisi İsako Zeynalaşvilidir.

Teatrın direktoru Nazim Mahmudov bildirmişdir ki, 2005-ci il teatrın yaradıcı kollektivi üçün çox uğurlu olmuşdur. İl ərzində öz balaca pərəstişkarlarını maraqlı tamaşalar ilə sevindirən kollektiv, oktyabrda Türkiyənin İzmir şəhərində keçirilən Beynəlxalq kukla və kölgə teatrları festivalına da dəvət almış və bu səfərdə respublikamızı ləyaqətlə təmsil etmişdir.

QAX KUKLA TEATRINDA YENİ TAMAŞANIN MƏŞQLƏRİ GEDİR

MÜƏLLİFLƏ ƏLAQƏ

Bölmənin digər xəbərləri