Qazax sement zavodu gələcəkdə məhsulunu xaricə çıxarmağı planlaşdırır
Bakı, 31 oktyabr (AZƏRTAC). İldə 1 milyon ton sement istehsalı gücünə malik Qazax sement zavodu məhsulunu ilkin mərhələdə xaricə ixrac etməyi planlaşdırmır.
Bu sözləri AZƏRTAC-a “Akkord” Korporasiyanın Direktorlar Şurası sədrinin müavini Suad Çalbıyıq bildirmişdir.
O demişdir ki, Qazax sement zavodunun istehsal edəcəyi məhsul hazırda daxili bazar üçün nəzərdə tutulmuşdur.
Azərbaycanın tikinti sektorunda sementə olan ehtiyac tam ödənildikdən sonra xarici ölkələrə, o cümlədən Rusiya Federasiyası və Gürcüstana bu məhsulun göndərilməsi məsələsi gündəmə gələ bilər.
Qazax sement zavodu nəinki ölkə daxilində, eləcə də regionda sement istehsalı üzrə lider mövqe tutmaq iddiasındadır.
Bölmənin digər xəbərləri
