Qazaxıstan Astana İqtisadi Forumunda xərclərə qənaət etmək niyyətindədir
Nur-Sultan, 5 fevral, AZƏRTAC
Qazaxıstan Astana İqtisadi Forumunda (AEF) xərclərə qənaət edəcək. AEF 2020-ci ildə Ümumdünya Ticarət Təşkilatı (ÜTT) Nazirlər Forumu çərçivəsində keçiriləcək.
AZƏRTAC xəbər verir ki, Qazaxıstanın Baş Nazirin birinci müavini Alixan Samilov ÜTT-nin Nazirlər Forumunun da bu il Qazaxıstanda keçiriləcəyini bildirib. Nazir müavinin sözlərinə görə, təxminən 200 ölkədən nazirlərin iştirak edəcəyi beynəlxalq forum çərçivəsində Astana İqtisadi Forumunu keçirmək qərara alınıb.
Qeyd edək ki, Astana İqtisadi Forumu - Qazaxıstan hökuməti və Avrasiya Elm Adamları İqtisadi Klubu tərəfindən 2008-ci ildən hər il keçirilir. Forum dünya iqtisadiyyatının və maliyyə sisteminin sağlamlaşdırılması, inkişafı məsələlərinin müzakirəsi üçün ən nüfuzlu beynəlxalq platformalardan biri statusuna layiq görülüb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
