QAZAXISTAN İYULUN 1-DƏN ÖZ SƏRHƏDLƏRİ BOYUNCA MİQRASİYA KARTLARI TƏTBİQ EDƏCƏKDİR
RİA “Novosti” Agentliyindən AZƏRTAC-a daxil olan xəbərə görə, Qazaxıstan 2003-cü il iyulun 1-dən öz sərhədləri boyunca miqrasiya kartları tətbiq edəcəkdir. Respublika DİN Miqrasiqa polisi departamentinin rəis müavini Aleksey Sergeyev demişdir ki, hələ bir ay bundan əvvəl miqrasiya kartları sistemi ölkənin bütün beynəlxalq hava limanlarında Qazaxıstana gələnlər üçün tətbiq edilmişdir. Sergeyev qeyd etmişdir ki, miqrasiya kartları vizasız rejimin mövcud olduğu ölkələrin vətəndaşlarına verilir. Əcnəbi vətəndaşların uçotunu aparmaq üçün miqrasiya kartları ilə yanaşı, həm də elektron sistemi tətbiq olunacaqdır. Həmin kartlarda əcnəbilər özləri, həm də onları qəbul edən tərəflər ad, soyad və atalarının adlarını, Qazaxıstana gəlmələrinin səbəbini göstərməlidirlər.Qazaxıstandan gedənlər öz miqrasiya kartlarını təhvil verməlidirlər.
Bölmənin digər xəbərləri
