QAZAXISTAN PREZİDENTİ HÖKUMƏTƏ ÖZ VƏZİFƏLƏRİNİ İCRA ETMƏYİ TAPŞIRMIŞDIR
AZƏRTAC-ın xüsusi müxbiri xəbər verir ki, Qazaxıstan Prezidentinin andiçmə mərasimi başa çatdıqdan sonra, ölkə Konstitusiyasına uyğun olaraq, hökumət istefaya gedir. Dövlət başçısı Nursultan Nazarbayev öz fərmanları ilə hökumətə, dövlət orqanlarının rəhbərlərinə, Prezidentə tabe olan strukturlara və vilayət hakimlərinə hökumətin yeni tərkibi elan olunana qədər öz vəzifələrini icra etməyi tapşırmışdır.
Qazaxıstan Prezidentinin mətbuat xidmətinin məlumatına görə, N.Nazarbayev on gün ərzində hökumətin yeni başçısının namizədliyini təsdiq üçün parlamentə təqdim etməlidir. Baş nazirin təyinatından sonra kabinetin formalaşdırılmasına başlanacaqdır.
